Euskararen Nazioarteko Egunaren harira eta Bilboko Udalak eta Bizkaiko Foru Aldundiak antolatuta, BandenLehia.com txapelketaren finala jokatuko da gaur (abenduak 4). Bilboko Rock Star aretoan, 19:00etatik aurrera.
BandenLehia.com txapelketako lehenengo fasea irabazi zuten lau taldeek zuzeneko emanaldia eskainiko dute. Ikusleek talderik onena aukeratuko dute, telefono mugikorraren bidez. Talde irabazleak 2.000 euro jasoko ditu.
Finalaren ostean, Kerobia taldeak kontzertua eskainiko du.
Sarrera doan izango da.
Ekitaldi guztia zuzenean, Internetez, ikusi ahal izango da honako helbidean: www.azkuefundazioa.org/bandenlehia
Bestalde, atzo (abenduak 3), Arriaga Antzokiaren aurrean eta Moyua plazan jendearen argazkiekin osatutako argazki-mosaikoa eratu zuten. Argazki-mosaikoa www.azkuefundazioa.org/ee09 helbidean ikus daiteke.
You must be logged in to post a comment.