Helduen Euskalduntzearen Oinarrizko Curriculuma sei mailatan egituratua aurkezten da; elkarreragin soziodiskurtsiboan ardaztua, hizkuntzaren ikuspegi komunikatiboan oinarritua, ekintza komunikatibotan definitua, eta euskararen ezaugarri eta egoera soziolinguistikora egokitua.

Oinarrizko curriculum honek indarrean jartzen dituen euskararen sei gaitasun-mailak (A1, A2, B1, B2, C1 eta C2) Europako Kontseiluak onartutako Hizkuntzen Erreferentzia Marko Bateratuan zehaztutako mailen gidalerroetan oinarritu dira, eta euskararen ezaugarri eta egoera soziolinguistikora egokitu.

Horrela, hiru lerrunetan bildu dira sei maila horiek:
Oinarrizko lerruna (A1 eta A2): oinarrizko erabiltzailea
Lerrun aurreratua (B1 eta B2): erabiltzaile aurreratua
Adituaren lerruna (C1 eta C2): erabiltzaile aditua

Maila hauek gainditzeko HABEk egiaztatze deialdiak antolatzen ditu.
Deialdiak hauek dira:

• Euskaltegiko ikasleen deialdia: euskaltegi batean matrikulatuta egon direnentzat.
• Deialdi irekia: Ez da beharrezkoa euskaltegi batean matrikulatuta egotea.
• Deialdi berezia (Euskal Etxeak): Euskal Etxeetako euskara-ikaslea izan behar da.

Administrazioko langileei beraien lanean euskeraz jardun ahal izateko eskatzen zaien agiria da.

IVAPen ardura da hizkuntz eskakizunak egiaztatzeko proben edukia eta forma zehaztea, eta azterketa gainditutakoan berak ematen ditu agiriak.

Hizkuntz eskakizunak egiaztatzeko ohiko bideak hauek dira:

• Administrazioan lanpostuak betetzeko hautaketa-prozesuetan egiten diren probak.
• IVAPek berariaz helburu horretarako administrazioko langileei egiten dizkien deialdiak.

Hizkuntza eskakizunen artean bi sailkapen egiten dira:

1) Administrazio orokorreko hizkuntza eskakizunak:
– Administrazio orokorreko langileei zuzenduta
– 4 maila bereizten dira: 1., 2., 3. eta 4. HE

2) Hezkuntza sistemako hizkuntza eskakizunak:
– Hezkuntza sistemako irakasleei zuzenduta
– 2 maila bereizten dira: 1. eta 2. HE

Hizkuntza eskakizunen araberako ebaluaketan lau hizkuntza trebetasunak baloratzen dira, entzumena, mintzamena, irakurmena eta idazmena, guztiak gainditu behar direlarik edozein perfil egiaztatzeko, azterketa saio berean gainera.

Azterketa egin baino lehen atariko proba gainditu behar da. Hizkuntza-eskakizunetara aurkeztu ahal izateko euskararen gutxieneko ezagupen-maila izan behar da. Gutxieneko ezagupen-maila hori atariko probaren bidez neurtuko da.

Eusko Jaurlaritzaren Hezkuntza Sailaren menpe daude Euskal Autonomia Erkidegoko hizkuntza eskola ofizialak.

Bilboko Hizkuntza Eskola Ofiziala Deustun dago, eta euskaraz gain, beste hizkuntza batzuk ikasteko aukera eskaintzen du.

Hizkuntza eskolan ikasle ofizial edo libre gisa matrikulatu zaitezke. Ikasle ofizialek ikasturte osoan eskolara joan eta ikasturte amaierako azterketak egiteko eskubidea dute; ikasle libreek, aldiz, ziklo bakoitzeko amaierako azterketak egiteko eskubidea baino ez dute.

Ziurtagiriak

• Oinarrizko maila: A1 eta A2
• Tarteko maila: B1
• Maila aurreratua: B2
• Gaitasun maila: C1

Bi dekretu onartu dira gai hau lantzeko:

• 297/2010 DEKRETUA, azaroaren 9koa, euskararen jakite-maila egiaztatzen duten tituluak eta ziurtagiriak baliokidetu, eta Hizkuntzen Europako Erreferentzi Marko Bateratuko mailekin parekatzeko dena (EHAA – 2010eko azaroak 15 – 219 ZK.)Ikusi baliokidetzak
• 47/2012 DEKRETUA, apirilaren 3koa, euskaraz egindako ikasketa ofizialak aintzat hartzeko eta euskara-maila hizkuntza-tituluen eta ziurtagirien bidez egiaztatzetik salbuesteko dena (EHAO – 2012ko apirilak 16 – 74 ZK.)Dekretu honen xedea da Hizkuntzen Europako Erreferentzi Marko Bateratuko mailaren batean euskaraz egindako ikasketa ofizialak aitortzea, eta euskara-maila horretako hizkuntza-tituluak eta –ziurtagiriak egiaztatzetik salbuestea ikasketa horiek egin dituzten pertsonak.
  • Unibertsitate-tituluek dakartzaten salbuespenak.
  • Batxilergoko eta goi-mailako teknikarien tituluek dakartzaten salbuespenak.
  • Derrigorrezko Bigarren Hezkuntzako Graduatuaren tituluak eta teknikariaren tituluak dakartzaten salbuespenak.

  Izapideak egiteko:

  • DBH, Batxilergoko edo teknikari ikasketak egindako ikastetxean.
  • EHU – Euskararen arloko Errektoreordetza: Euskarazko C1 mailaren titulua aurkeztetik salbuesten duen ziurtagiria eskuratzeko prozedura.
  • EHU – Euskararen arloko Errektoreordetza: Doktorego-tesiaren C2 euskara maila egiaztatzeko prozedura
  • Mondragon Unibertsitatea
  • Deustuko Unibertsitatea

Euskara Tituluen eta Ziurtagirien Erregistro Bateratua (Hizkuntza Politika)