Nontzefilmak 2010 Zine eta Animazioko Film Laburren Lehiaketan izena emateko epea zabaldu dute. Lehiaketan parte hartu nahi dutenek otsailaren 26a baino lehen eman beharko dute izena. Filmak zinekoak nahiz animaziokoak izan daitezke, eta teknika guztiak onartzen dira: 3D, Flash, stop-motion… Filmak originalak eta 2009ko urtarrilaren 1etik aurrera sortutakoak izan behar dute.
Lehiaketan, besteak beste, euskarazko film onenak, zinekoak zein animaziokoak, saritzen dira, 1.000 eurorekin. Saritutako film laburrak FANT 2010ean emango dituzte ezagutzera.
Iazko edizioa arrakastatsua izan zen eta jatorri ezberdineko 200 lanetik gora aurkeztu ziren. Hala ere euskal sortzaileen lanak nagusitu ziren.
Lehiaketa Bilboko Udaleko Kultura eta Hezkuntza Sailak antolatzen du, Nontzeberri.com atariarekin batera, eta Bilboko Zinemaldi Fantastikoaren (FANT) babesa du.
You must be logged in to post a comment.