Martxoaren 3an hasi zen Igorreko Lasarte kultur aretoan Bertsolari Gazteen XVIII. BBK Sariketa. Edizio honetan, zazpi eskualdetako (Arratia, Busturialdea, Durangaldea, Bilboaldea, Lea-Artibai, Enkarterri eta Ipar Uribe) 50 bertsolari inguruk hartuko dute parte. Sariketa bi adin mailatan banatuta dago: 18 urtetik beherakoak eta 19-24 urte bitartekoak.
Bertso saio guztiak, finala izan ezik, ikastetxe eta institutuetan izango dira eskola orduetan. Finala, ordea, martxoaren 26an izango da Bilboko Kafe Antzokian, 19:00etan. Bestalde, Bilboaldeko taldea martxoaren 9an arituko da Durangoko Institutuan, Durangaldeko taldearen aurka izango den kanporaketan. Ipar Uribe eskualdeko taldea, iazko txapelduna, zuzenean finalaurrekora pasatuko da kanporaketarik jokatu gabe.
You must be logged in to post a comment.