Nontzeberri.com kultura webguneak Nontzefilmak Zinema eta Animazioko Film Laburren Lehiaketa on-line jarri du martxan Bilboko Zinema Fantastikoaren Jaialdiaren (FANT) laguntzarekin. Lanak zinemakoak edo animaziokoak izan daitezke, eta azken horietan animazio teknika guztiak onartuko dituzte.
Lehiaketan parte hartu nahi dutenek 2011ko otsailaren 25a arte dute aukera euren lanak bidaltzeko. Gaia librea izango den arren, lan guztiak originalak izan beharko dute eta urtarrilaren 1etik aurrera egindakoak izan beharko dute.
Aurtengo lehiaketak berrikuntza nabarmen bat izango du, NontzeSpot lehiaketa. Lehiaketa horren helburua 2011n sareratuko den Nontzeberriren webgune berria sustatzea da. Gehienez 30 segundoko iraupena izan behar du eta hizkuntza bakarra euskara izango da. Nontzeberriren logoak ezinbestean agertu beharko du.
Lehiaketan hainbat sari banatuko dituzte: Nontzefilmak Saria Zinemako film onenari, Zinemako bigarren Saria, Zinemako hirugarren Saria, Nontzefilmak Saria Animazioko film onenari, Animazioko bigarren Saria, Animazioko hirugarren Saria eta Euskaraz eginiko lan onenaren saria.
You must be logged in to post a comment.