Hauek izan dira aurten sarituak:
- Blog pertsonal onena: Ander Oleaga Benguria, Alter eta ego: alteretaego.wordpress.com
- Taldeko blog onena: Nerea eta Ane Soriano Sáinz, Insitu: iinssitu.blogspot.com.es
- Blog tematikoa onena: Saioa Bacigualupe, Baratza Taldea. Deustuko Ortu Kooperatiboa: baratzataldea.blogspot.com
Sarituek 200 bana euro jaso dute. Lehiaketan parte hartu duten 31 blogen artean saridunak aukeratzeko orduan, epaimahaikoek (Julen Gabiria eta Karmele Pérez de Urraza) kontuan hartu dute bloga egiterakoan eta elikatzerakoan egileek izan dituzten ideiak, irudimena eta trebetasuna. Euskara maila, literatur kalitatea, diseinua, gaurkotze maila eta originaltasuna ere baloratu dira.
Ekimen honen helburua da interneten eta euskarri digitaletan euskararen erabilera indartzea 15 eta 35 urte bitarteko Bilboko gazte euskaldunen artean. Baldintzen artean, Bilbokoa izatea edota hiriarekin lotura izatea eta aldian-aldian bloga elikatzea. Blog guztiak jendearen eskuera egon dira eta daude webgune honetan: www.bilblogari.net.
NONTZEBERRI.COM
Nontzeberri.com webgunea kultura eta zabalkunde arloko gune dinamikoa da eta arreta berezia eskaintzen die Bilbon euskaraz eskaintzen diren ekitaldiei eta programei. Kulturaren arloko euskarazko produktuen zabalkundeaz arduratzen da eta teknologia berriak oinarri hartuta, sorkuntzaren arloko programak eskaintzen ditu, besteak beste, literatura, musika, ikus-entzunezkoak, argazkigintza, bertsolaritza eta arte eszenikoetako programak.
You must be logged in to post a comment.