Batura Mobilek Bizkaiko Foru Aldundiaren laguntzarekin Euskal Izenak izeneko APPa kaleratu berri du. Bertan euskarazko pertsona izenak kontsultatu ahal dira, eta izen guztiek Euskaltzaindiaren oinarriak betetzen dituzte.
Aplikazio honetan nesken eta mutilen izenak kontsultatu daitezke, baita euren esanahia eta jatorria ere. Gainera, Google Mapsi esker izenen jatorriaren arabera dagokion lekuan kokatuko dira. Bestalde, izen gustukoenen zerrenda osatzeko aukera ematen du aplikazioak eta lagun eta familiarrekin elkarbanatu daitezke.
Gainera, izenak modu aleatorioan ere aukeratu daitezke, eta erabiltzaileen artean dauden izen gustukoenen rankinga ere kontsultatu daiteke.
Aplikazioa doan deskargatu daiteke hemen:
You must be logged in to post a comment.