Ahozko komunikazioa hizpide Gasteizko biltzarrean, Eta ahoskera zer? lelopean, ahozko komunikazioaren ertzak landuko dira Gasteizen. Hiru hitzaldik osatzen dute jardunaldiaren bizkarrezurra:
- Ahoskerapp arautu eta i(ra)kas al daiteke?, Miren Lourdes Oñederrak berak eskainiko duena.
- Irakats al daiteke ahoskera? Eta aldagarritasuna?, Mª Heliodora Cuenca Villarín Sevillako Unibertsitateko irakasleak eskainiko duena.
- Nola ikasi ahoskerak, Julia Marín antzerki-itzultzaileak eskainiko duena.
Horren ostean, zinema eta euskararen ahoskerari buruzko elkarrizketa egingo dio Euskaltzaindiko Ahoskera batzordeko kide Oroitz Jauregik Gorka Lazkano Errementari filmeko euskara arduradunari.
Lourdes Oñederra, Euskaltzaindiko Ahoskera batzordeko buruaren hitzetan: “Jardunaldi honen helburu behinena komunikazioa da: arauaren arduradunen, irakasleen, ikasleen, kazetarien… azken batean, hizkuntzaren erabilera osasuntsua nahi eta behar dugunon arteko komunikazio ahalik eta onena”.
Programa helbide honetan ikus daiteke: https://www.euskaltzaindia.eus/dok/plazaberri/2019/urtarrila/2019-02_Ahoskera_Gasteiz_egitaraua_01-30.pdf
Izen-ematea (dohainik), otsailaren 12ra arte (plaza mugatuak).
info@euskaltzaindia.eus / +34 943 42 80 50 / +34 944 158 155 / +33 (0) 559 25 64 26/ +34 948 22 34 71
Jardunaldia zuzenean eskainiko da, streaming bidez, Euskaltzaindiaren Youtubeko atarian
You must be logged in to post a comment.