Topagunea Euskara Elkarteen Federazioak antolatutako jaia da eta euskara elkarteek herrietako euskaltegiekin eta euskalgintzako beste zenbait eragilerekin kudeatzen dituzten mintzapraktika egitasmoetan parte hartzen duten solaskide guztiek elkar ezagutu eta egun pasa ederra egiteko aukera izango dute Arrasaten. Mintzapraktika egitasmoak hainbat herritan jarri dira abian, eta euren helburua euskara ikasle talde txikiak antolatzea da, taldeotan euskaraz hitz eginez, euren jariotasuna landu eta segurtasuna hartzeko.
Egitaraua:
- 11:00etan. Ongi etorria eta hamaiketakoa Biteri plazan.
- 12:00etan. Ibilaldi gidatua tokiko berezitasunak ezagutzeko.
- 13:30ean. Kalejira.
- 14:30ean. Bazkaria herriko plaza nagusian.
- 15:30ean. Sari banaketa.
- 16:00etan. Erromeria Kataia taldeak gidatua
You must be logged in to post a comment.