Bilboko Udaleko Jaietako Sailak antolatuta Olentzero abenduaren 23rako helduko da Bilbora. Moyua plazan elkartuko dira Olentzero, Mari Domingi, Basajauna, Galtzagorriak eta lamiak Bilboko haur guztiekin 19:00etan. Handik, Kale Nagusitik apurka-apurka jaitsi eta Arriaga antzokira helduko dira bertan deskantsua hartzeko.
Hurrengo egunean, abenduaren 24an, ondo gosaldu ondoren, Olentzero eta bere lagunak Bilboko haurrekin elkartuko dira 11:00etatik 14:00etara alaitasuna, poztasuna, maitasuna eta zoriona opatzeko eta denei opariak banatzeko.
Olentzerorekin hitz egin nahi duten haurrek txartela hartu behar dute 10:00etatik aurrera Arriaga antzokiaren aurrean irekiko den kioskotxoan.
You must be logged in to post a comment.