Elkar Ilustrazio eta Ipuin lehiaketak haurren eta gazteen artean irakurzaletasuna eta sormena bultzatzea du helburu. Horretarako hiru modalitate antolatu dira, haur eta gazteen adinaren arabera:
- Ipuina ilustratu: HH eta LHko ikasleentzat. Haurrek Ana Jakak idatzitako "Haur bat espazioan" ipuin labur argitaragabea ilustratu beharko dute.
- Ilustrazioa ipuin bilakatu: LH 5-6 eta DBH 1-2ko ikasleentzat. Ainara Azpiazu “Axpi”k egindako ilustrazioarekin ipuin original bat osatu beharko dute.
- Komiki edo bineta sortu: DBH 3 eta 4ko ikasleentzat. Komikia edo binetaren gaia “Euskal Herriaren historia” izango da.
Lan guztiak apirilaren 8a baino lehen aurkeztu beharko dira. Honako bide hauek daude ilustrazioa, ipuina, komikia edo bineta bidaltzeko:
- Edozein elkar liburu-dendetan utzi liteke.
- Ilustrazio eta Ipuin lehiaketa; Euskal kulturgintza S.A- Portuetxe 88- 20018 Donostia helbidera bidali liteke.
- Ilustrazioa eskaneatu edo ipuina postdata.elkar.eus atarira igoaz
You must be logged in to post a comment.