Talde jarduerak, euskaltegiko ikasleei, ikasle-ohiei, berbalagunei, mintzakideei eta oro har, euskaldun osoei bideratuta daude eta Udala eta euskaltegiez gain, euskalgintzan dabiltzan zein bestelako elkarteek ere parte hartu eta laguntzen dute egitasmoan, hala nola Bilboko Euskara elkarteak edo Athletic Fundazioa, konpartsak, Azkuna Zentroa, Arte Ederren museoa edo Guggenheim museoa.
“Darabilbok” 12 bat pertsonez osatutako taldeak proposatzen ditu, elkarlanean eta doan zenbait auzotan errepikatu daitezkeen edo eta behin baino gertatuko ez diren hainbat tailer eta ekitalditan parte har dezaten.
Ekitalditik ekitaldira ekintzak aldatzen doaz. Begiratu hilabete honetarako zer dagoen!
Darabilboren oharra:
Ikasturtea amaitzeko ekitaldi asko antolatu ditugu ekainari begira. Zuloagaren erakusketa bisitatzen jarraituko dugu; plaza gutxi izango ditugu aurretik antolatutako bisitak baitira, eta bertan jendea sartuko dugu osatzeko. Baina ez kezkatu, ez baduzue plazarik lortzen gurekin kontaktuan jarri eta beren-beregiko bisitak antolatuko ditugu. Konpromiso barik.Dastaketek protagonismo berezia izango dute, aukera ematen digute-eta jende gehiagok parte hartzeko. Horien artean azpimarratzekoa 12an Labore Santutxun ospatuko dugun Bertso-sagardo dastaketa jaia.Hamburgo Platz ere ez da faltako; Beñat Sarasolaren azken nobela izango dugu hizpide idazlearekin batera.Egun berean eta ordu berean (publiko desberdinentzat da-eta), Otxakoargako jaietako euskararen eguna ospatzeko Erromeria Tailerra izango dugu, bertan urte osoan dantza tailerrean aritu direnek dantzatzen erakutsiko digute bertaratuko garen guztioi.Bilbon zeharreko ibilaldi gidatuak egiten jarraituko dugu Bilbao Izan lagunen eskutik. Oraingo honetan Olabega ezagutuko dugu.Amaitzeko, ToastMasters Bilbao Clubeko lagunek bere ohiko saio batera gonbidatuko gaituzte (aste honetan ospatutakoak izan duen arrakasta ikusita).Beraz, denontzako, denetariko, zuen hizkuntzan eta doan.Ondo pasa eta egin klika.
Urrian berriro, gehiago eta seguru asko hobeto.
Darabilbo-ren web orrialdea.
Oharra: Agendan ikus ditzakezu Bilbon euskaraz antolatutako ekintza gehiago.
