Uda honetan Udako Euskal Unibertsitateak 41 edizio beteko ditu eta hainbat esparrutako ikastaro eskainiko ditu: artea eta musika; giza zientziak; gizarte zientziak; ingenieritza eta teknologia; osasun zientziak eta zientziak.
2-3 egun irauten duten ikastaro hauek Eibar, Baiona edo Iruñean izango dira uztailaren 1etik 24ra. Ikastaroak 15-20 ikasle ingurukoak izango dira.
Horietako ikastaro batzuk irakasleentzat homologatuko dituzte Nafarroako Hezkuntza Departamentuak edo Eusko Jaurlaritzaren Hezkuntza, Hizkuntza Politika eta Kultura Sailak.
Antolatutako 3 jardunaldiak Eibarren izango dira:
- Uztailaren 4a: Hizkuntzalari Euskaldunen I. Topaketak: egungo ikerlerroak.
- Uztailaren 8a: Matematikari Euskaldunen I. Topaketak.
- Uztailaren 19a: Pedagogia I. Topaketak: nola lortuko dugu Euskal Herrian eskola inklusiboa?
Udako Euskal Unibertsitatean parte hartuko duten Bizkaiko unibertsitate ikasle eta unibertsitate ikasle ohi-langabetuek Bizkaiko Foru Aldundiak emango dituen diru-laguntza eskatu ahal izango dute.
You must be logged in to post a comment.