Bilboko Udalak Rafael Mikoleta euskarazko ipuinen Lehiaketaren XXXVI. edizioan parte hartzeko izena emateko epea ireki du. Lehenengo euskal gramatikaren egilearen omenez egiten den lehiaketaren helburua da 8 eta 16 urte bitarteko Bilboko ikasleen artean euskaraz irakurtzeko eta idazteko zaletasuna zabaltzea.

Bilboko alkate Juan Mari Aburto Euskararen Nazioarteko Eguna dela-eta Udalak urtero antolatzen duen omenaldiaren buru izan da. Aurten, Bilboko Udalak aisialdiko begiraleentzako euskarazko trebakuntzan diharduten hiru elkarteren lana eta konpromisoa eskertu nahi izan du, eta, hala, Aisiola elkartea, Urtxintxa Eskola eta Gaztetxo Eskola saritu ditu

Bilboko Udalak bat egiten du Gaitu kanpainarekin, eremu digitalean euskararen presentzia handitzen laguntzeko. Kanpaina horretan honako erakundeek parte hartuko dute, besteak beste: Eusko Jaurlaritzak, Nafarroako Gobernuak, Euskararen Erakunde Publikoak, Librezaleak elkarteak, Euskaltzaleen Topaguneak eta beste hainbat udalek, euskara elkartek eta euskaltegik.

Bilboko Udalak abian jarri du sentsibilizazio-kanpaina bat, herritarrak animatzearren euskara erabiltzera. "Bilbon euskaraz" leloarekin, ekimena herritar guztientzat da, baina, batez ere, euskaraz komunikatzeko gai direnentzat, euskara egin dezaten gonbidatzeko.